Ĉefpaĝo

Dum sia lasta kunsido, la estraro de TEJO decidis ne gastigi ĉeestan IJK-n 2021. La evento devintus okazi de la 26-a de julio ĝis la 1-a de aŭgusto 2021 en Kijivo, la ĉefurbo de Ukrainio. Nun ĝi okazos rete!

Malfacilas antaŭvidi la situacion fine de julio, sed ĉio indikas ke daŭre sufiĉe malfacilos vojaĝi eksterlanden. Plej grave, la estraro taksis ke la eblo ke iu infektiĝu pro la partopreno estos tro alta. La membroj de TEJO ja volegas IJK-umi fizike kune, sed la danĝero estas tro granda por riski vundi niajn organizon kaj movadon pro tiu deziro.

Por eviti tiun riskon kaj daŭre kune umi kaj amuziĝi ni novis la IJKn al reta formato. Do, ni gastigos ĝin tutmonde!

Se tio ne sufiĉas por vi kaj vi ne tiel opinias pri la riskoj, la antaŭa LKK organizos pli malgrandan renkontiĝon (OKT: la Oresto Kuzma-Tagoj) en Ukrainio. Vizitu ilian retejon por scii pli https://retejo.net/okt.html